【8个月冇见】洪天明瞒住囝囝返屋企大仔TJ难以置信爆喊揽住老窦

2021-02-03 17:10

因为疫情影响出入境要隔离，所以好多离港工作嘅艺人都好耐冇返香港，例如洪天明，已经有8个月冇返屋企。不过下周就过年嘞，系时候要返香港。

为咗畀两个囝囝一个大惊喜，洪天明趁老婆周家蔚带两个仔去街后先返归，安顿好再等囝囝。「八个月不见了，终于能回家啦。孩子在不知道的情况下会有什么反应⋯⋯希望大家能多陪家人。疫情快点离去。」

洪太抱住5岁细仔JT(洪竟琋)先入屋，8岁大仔TJ(洪大仁)随后，佢一见到洪天明都吓亲，呆咗数秒先识畀反应叫Daddy，天明张开双手打算迎接囝囝，但TJ只识问「真系嘅?」天明边除口罩边答，「当然系真。」然后TJ即冲前揽实爸爸爆喊，洪太再抱细仔行近，JT再趋前揽实爸爸，三父子揽埋一齐，周家蔚被眼前景象感染都扁晒嘴有啲想喊。