【维港会】妥瑞症儿子遭歧视「傻嘅会传染」 港妈感痛心：随口几句令人好崩溃

每位母亲都希望子女健康成长，倘若儿女患病更遭受歧视，更是无比痛心。一名妈妈在社交网站发文，分享早前带同患有妥瑞症的儿子外出时，遭另一对母子歧视，对方更不断口出恶言：「好心傻嘅就唔好带出街啦，影响到人点算」。儿子事后忍不住当街痛哭，事主大感心痛难受，盼港人能理解妥瑞症患者。帖文随即引起讨论。

事主在facbook专页「生仔要考牌系列」投稿，指她早前带同患有妥瑞症的8岁儿子到铜锣湾覆诊，二人在街上欣赏圣诞装饰时，恰好遇到另一对母子亦在附近看装饰。期间儿子因病不自主摇头，小朋友见状随即询问其母亲原因，怎料对方竟回答:「佢可能傻㗎，唔好企咁近，费事佢突然打人。」，随后又称「好心傻嘅就唔好带出街啦，影响到人点算」。

事主闻言怒火中烧，但仍忍耐著怒气，向对方解释儿子患有妥瑞症，行为上与其他小朋友唔同，「但你哋有你哋睇，我哋有我哋睇，究竟影响到你乜嘢？」怎料对方未有反省自身行为，更称：「哗！会唔会传染㗎？你咁黑心嘅，我个仔企喺你个傻仔隔离咁耐，又傻咗咁点算，真系自私。」事主表明儿子并非是傻，反而比一般小朋友更聪明，学校成绩亦一直都头几名，「我个仔系大脑内嘅多巴胺受体过度活化，所以会咁，你唔知，我依家话你知！」

事主又指责该名母亲的行为令儿子受辱，「当住我哋面前又话傻又话传染，会令我仔好难受。为人父母，身教同口德好重要，做返个有人品嘅妈咪啦！」不过对方未有理会，更斥骂事主两母子：「读特殊学校呀，死傻仔，癫嘅生个傻，啱啱好！」

该对母子离开后，事主看到儿子忍不住当街痛哭，大感心痛。「太太，唔知你睇唔睇到，你随口几句说话，可以令人好崩溃。」她希望港人能理解妥瑞症患者，「妥瑞症系唔会传染，希望大家多啲了解。唔明或者唔了解无所谓，至起码见到呢类小朋友，唔好再伤害佢哋嘅心。本身佢哋已经好辛苦，但愿唔好再有人用难听嘅说话去伤害佢哋嘅心，真系好难受！」

帖文引起不少网民讨论，大部分人留言斥责该名母亲十分无品，「好过份啊!!!!睇字都嬲到我死!!!」、亦有人赞扬事主做得好「你已经尽力保护好个仔，你系仔仔坚强的后盾，希望仔仔越嚟越好。」、「唔好将呢啲人嘅恶意放喺心，呢个世界仲有好多友善嘅人」。

根据香港妥瑞症协会指引，妥瑞症是一种遗传性神经疾病，患者会同时出现动作及声语的抽动，并持续一年以上。基因是导致妥瑞症的主要成因，患者一般于年幼时就会出现病症，但并非传染病，并不具有传染性，所以妥瑞症患者不应被孤立。