【独家】隔6年再拍《狂舞派3》情不变 蔡瀚亿颜卓灵杨乐文撑本土艺术
2021-02-18 18:05 
电影《狂舞派3》因疫情令上映日期一改再改，年初七（18日）终可跟观众见面，主角蔡瀚亿（BabyJohn）、颜卓灵（Cherry）和杨乐文（Lokman）当然兴奋，而相隔6年再原班人马合作，同样令他们好感恩，最难得大家感情不变。而对于今次电影以工厦艺术家做题材，他们都认为香港本土艺术文化工作者生存空间确实困难，希望社会都要好好珍惜及支持。撰文：杜淑霞 摄影：梁志明 发型：Hugo Poon(颜卓灵)、Eve Chiu(蔡瀚亿)、Man Chan@Chic Private I Salon(杨乐文) 化妆：Vinci Tsang、Winki [email protected](颜卓灵+蔡瀚亿)、Giann Cheung@Annie G.Chan Makeup Centre(杨乐文)服饰：MAX&Co.、PENNYBLACK、Charles&Keith、Swarovski(颜卓灵)、MISTERGENTLEMAN(蔡瀚亿)、@HBX Hong Kong(杨乐文)
Lokman谓虽然12年完成第一集到18年再聚首，但大家感情和默契有增无减，因间中都有见面倾偈，「我哋都有几年感情喺度，感慨睇套戏见番大家成长，由小朋友到（颜：青年人）系青年人，哈哈！个感觉好似一班真正嘅朋友，演紧一班真正朋友咁样，睇嘅时候有种奇怪感觉。」Cherry都好认同，「我哋第一集个个薯仔头咁，好似小学生去秋季旅行，到𠵱家人生阶段差唔多，好多默契不言而喻。」BabyJohn补充，「大家都系薯仔就薯仔，但当大家做到一啲嘢嘅时候，再夹埋一齐，都唔会有人要有个人表现。」
工厦艺术家难生存
三人都觉得导演黄修平今次以工厦艺术家为题材好难得，亦认为香港社会对本土艺术文化未够支持和珍惜。Lokman说：「我自己本身都系（工厦艺术家），有啲惨，但惨得嚟好开心，佢哋俾人打压紧，但坚持住自己锺意嘅嘢继续冲，呢个生命力好强大，造就咗呢个生态环境喺呢个地方。」Cherry就觉得疫情下艺术工作者更难生存，「好似防疫（抗疫）基金咁，好多人入唔到，虽然好多时代都会，多啲挣扎个艺术作品更加绽放出嚟，但系压到一个位，咁大盘水淋落咁细火度，真系好灰心罗！好多人顶唔顺选择离开，咁就损失咗，其实本地养育佢哋系应有嘅尊重啫！」最初演舞台剧、都是工厦艺术家出身的BabyJohn，就认为作品质素最重要，「工会已经成立咗，可以争取嘅嘢做到几多，的确唔系我哋可以掌握得到，但系保质素，慢慢令到观众入剧场，呢个我觉得仍然有希望。」
最新回应