【维港会】喝停小朋友偷餸食遭亲戚拦唔饿得 网民叹欠教养拒再聚餐

等齐人开饭是传统中式家庭习惯，但近十多二十年已经随时代淡化。有网民就以「食团年饭先发觉香港人好无礼貌」为题发文，称喝停小朋友偷食餸菜，却遭亲戚拦阻称「唔饿得」，令网民慨叹新一代欠教养。

有女网民在「亲子王国」讨论区内发文，「阿妈辛辛苦苦系厨房煮紧，啲餸都未出齐，班化骨龙已经想偷食，我喝住佢哋，话要人齐先食得」。她指，对方父母「话细路仔唔饿得架，哗大佬，咩叫团年饭呀？当我阿妈系工人？我发誓以后唔同佢哋食饭」。她批评「无规无矩无家教嘅人，我唔想同佢哋食团年饭，咁食法同猪朋狗友食饭有咩分别」。

有人就说，「以前啲人带细路去人地处食饭或去饮茶，骜细路做啲失礼野。就预先喂饱少少佢哋先。」有人认为「坚持唔好比佢哋偷食，好无礼貌，肚饿攞啲饼比佢哋食住先」。有人认为，「就系太多父母纵啲仔女，所以好多新一代都无与人相处嘅礼仪。其实唔系唔饿得，系唔等得，要即时得到满足」

有人则批评发文者，「咁少事，你就要搅大去令你父母以后都无得齐人食餐团年饭？你离谱好多」、「楼主觉得家教有问题，啫系话紧自己父母，如果自己父母都唔介意有咩所谓，咁少事要以后都唔一齐食饭，可能家教真系...... 」

也有人认为无伤大雅，「我返外家食饭, 都会偷台面嘢食, 当住阿妈面前食, 当住我细佬前面食, 仲拎埋俾我仔女食(佢哋2个唔够胆)。我真系无家教但阿妈整嘢真系好食嘛」、「我系自细经过厨房，啊嫲啊爷已经拎只鸡髀，塞畀我食，逢炸油角老人家又心急想我食，都会塞我哋食先。塞到我变肥妹仔系佢地己任，佢哋仙游左好耐，冇人再塞畀我食」。