约杨谨华打素菜边炉林心如相隔23年再扮紫薇格格

2021-02-20 14:02

1998年嘅电视剧《还珠格格》令赵薇、林心如及苏有朋红遍全亚洲，话咁快23年，林心如都45岁，原来心如仍好记挂令佢一炮而红嘅紫薇角色，约老友杨谨华新年饭聚都忍唔住扮吓格格。

放农历年假最好约朋友饭聚，心如都话「过年就是要团聚啊」，所以就约咗杨谨华等老友打素菜边炉，全个锅都系蕃茄、金菇、豆腐及腐皮等，虽然冇肉但心如表示「没涮肉的火锅真好喝」，由于主人邀请咗4个唔识打麻将嘅闲人，所以馀兴活动就变成睇戏，其间心如仲忍唔住戴上格格头饰怀念吓当年，贴文一出召唤大量《还珠格格》Fans，唔少人同「紫薇」打招呼，仲留言「紫薇格格吉祥」。