【独家】同古天乐刘德华一齐救市 温碧霞投资拍戏唔计较赚钱

疫情下温碧霞（Irene）北上掘金半年，做到冇停手，直至农历新年前先有时间返港同家人度岁，但本月尾会再返内地与张家辉合作拍摄历史战争片《731》，6月为其电影工作室开第3套新戏《我们的18岁》。Irene坚持疫市下更加要投资开戏振兴香港电影业，让业界人人有工开。采访：方骞平 摄影：张咏森 场地：LA RAMBLA @ ifc

温碧霞电影工作室将开拍第3套新片《我们的18岁》，电影以一个女仔的成长为题材，有取自她及身边朋友的真人真事。Irene透露筹备3年，花咗好多心机喺剧本上，所以相当期待。目前casting紧一个有气质，饰演她少女期的素人。

为业界出力
新冠疫情肆虐全球，香港演艺行业几乎陷入停顿状态，温碧霞要同古天乐、刘德华一齐救市，唔介意继续投资：「《我们的18岁》唔系大制作冇巨额投资，当然冇古仔同华仔佢哋咁犀利啦！我冇佢哋咁有钱，只系出到小小力，佢哋对香港电影业真系出心又出力。」Irene又强调好多演员朝住开戏呢个方向发展，「演员好被动，角色唔到你拣，𠵱家可以拍到自己想拍嘅嘢，令到本地有多啲唔同元素嘅电影。」捱咗半世人嘅Irene说：「𠵱家赚钱唔系最重要，梦想更胜一切！」早前她于社交网分享在豪华别墅内牵白马嘅相令网民热议，她再度澄清系美丽的误会：「呢间屋系喺杭州拍戏时嘅豪宅，因为Fans开马场，所以带咗两匹小马嚟探班，我喺内地冇房地产。」