【另一半系富二代】过来人安慰袁伟豪 陈山聪激动落泪：系咪代表错一世　　

「Crazy Runner」陈山聪、袁伟豪、姚子羚和谢东闵作客林盛斌与麦玲玲主持的节目《师父有请》第三集。麦玲玲开名指陈伶俐首次到现任丈夫的豪宅时，吓到出家门就已经嗌分手，幸好最终都有情人终成眷属。姚子羚亦谓：「我都有试过有一任男朋友好有钱，门外有两个保安守住，一入屋大家叫佢少爷嗰种，屋企仲有𨋢添。」
当提到另一半是富二代，袁伟豪直认跟张宝儿一起之后面对不少压力，「其实我唔睇嗰啲报道真系冇嘢，睇咗反而唔开心。因我性格系好硬颈，咩都驳嘴…咁层楼我唔使供咩？我都要搵钱，我都要keep好个样出嚟，点知又被你班人话面胶、丑男！」
陈山聪亦直言自己是过来人，经常都会安慰袁伟豪，将经验分享，提到往事，他说：「呢件事系令到我成长，感恩遇过呢件事，一千万人都未必会遇到一次！当时封面多到好夸张，最唔开心系令到屋企人唔开心、妈咪好担心，好彩今日有儿有好老婆，佢哋好安慰。」

陈山聪提到儿子时，不禁激动落泪，说：「我曾经做错事或者做错一啲决定，系咪代表一世都要错呢？当我个仔仲喺老婆个肚入面，我老婆同个仔讲：『你第日一定要学到你爸爸嗰种坚持同勤力……』，大家都知我系只牛，多谢呢段日子以来，呢班兄弟好信任，大家关系系一世。」
各人又表示Crazy Runner关系非常好，谢东闵坦言女友朱智贤出状况的时候，他第一时间都是找山聪和袁伟豪倾，更谓感情经历过一些事后会更加稳固。