【独家】郑世豪谢文欣盼牛年合作 BINGO BOP恨歌而优则演
2021-02-25 23:14 
「天盟娱乐」一班艺人BINGO成员关嘉敏（Carman）和陈康琪（Odilia）、BOP天堂鸟成员叶灏基（Gordon）、许俊豪（Lincoln）和欧乔锋（Tyrese）、郑世豪和谢文欣趁住踏入牛年，约埋食泰菜贺大家新一年齐齐捞到风生水起！讲到新年愿望，七位想继续唱好歌外，拍档主持多年的郑世豪和谢文欣想再有其他合作，而BINGO和BOP就恨到出口想演戏。撰文：杜淑霞 摄影：张咏森 服装：iBLUES(Carman)、Dmop(Odilia) 场地：泰泰
世豪和谢文欣之前拍档主持《劲歌金曲》几年，去年加入公司的世豪笑谓，「我有啲遗憾，出歌方面冇得同师姐谢文欣合作，2021年希望同到佢合作。」期待今年有机会拍剧的文欣，亦想跟世豪做对手戏，仲冲口而出话：「做父女啦！」其实两人年纪只差13年，搞到世豪唔知好嬲定好笑，唯有搞鬼话：「咁你叫声爸爸先啦！」
Carman和Odilia异口同声认为鼠年参加《全民造星III》大丰收，对牛年发展好有帮助，Odilia说：「完咗《造星》后，想将唱歌能力再提升，希望BINGO有啲跳唱歌可以一齐再玩，嚟紧我哋会翻唱梦剧院嘅《天生一对》（IFPI「音乐永续乐坛共享」计划），今次重新编曲比较轻快。」而近期两人会努力搞好网上频道外，亦想多在戏剧上演出，Carman说：「我2021年希望可以成为演员，可以有多啲唔同嘅演出机会，无论系电影或者电视剧方面，参加《造星》之后，自己都有写吓啲Rap，可以出番首属于自己嘅Rap歌。」
Gordon和Tyrese鼠年都升呢做老板，Gordon开了外卖食店，准人夫Tyrese就搞园艺，Tyrese说：「多咗个身份，多咗个责任，要再勤力发愤啲，所以大半年前喺网上搞园艺服务，本身屋企人有做开，自己做比较年青路线。」去年考了健身教练牌的Lincoln，牛年亦有意加入老板行列，「做开间健身室有叫我入股，帮手做啲宣传嘢，都会考虑吓。」演艺工作方面，三子除了参加IFPI的「音乐永续乐坛共享」计划翻唱郭富城《狂野之城》和黎明《今生不再》外，亦好恨演戏，Gordon说：「签咗邵氏，希望剧集同电影有新发展，除咗唱歌跳舞之外，演戏系另一个层次。」
最新回应