【唐奕聪猝逝】乐队Mr.成员感谢恩师 MJ：佢教乐队应有乐队模样

2021-03-03 10:30

乐队Mr.与Gary Tong（唐奕聪）合作无间，视Gary为老师的吉他手MJ（谭杰明）在社交网贴上对方在录音室休息的黑白照，写上长文：「可能我呢世都唔会接受到，呢位我觉得系整个音乐界最好嘅人，今日离开左（咗）我地（哋）。如果当初无Gary，Mr.乐队嘅音乐唔会取得我地（哋）曾经有嘅成就，我地（哋）嘅音色唔会系咁，一直都系佢同我讲：乐队应该要有乐队嘅模样。亦都系佢教我，一首歌入面点样拿捏平衡主流同另类，令我对打后嘅制作获益不浅。好多佢曾经同我讲嘅野（嘢），当时我新，好多都无听，到我而家大左（咗），比（畀）意见后浪时，原来我讲得最多嘅，就系当时Gary教我嘅野（嘢）。Gary哦，我真系无同你讲过，喺我心入面我一直当你系我老师，好多谢你，多谢你为我地（哋），为我做过嘅一切，你永远永远都会喺我嘅心入面。老师，一路好走」Mr.另一成员Ronny（黎泽恩）亦贴上多张与Gary演出的合照，留言：「You rocked my world master Gary. 我们迟下再jam歌吧，我仲未听过你弹结他...We will meet again, in the world of music」