【独家】拍许鞍华纪录片《好好拍电影》 文念中感动到喊住剪片
2021-03-04 22:00 
美术指导出身的文念中，首次执导电影《好好拍电影》，纪录了香港著名导演许鞍华（Ann）的光影人生。02年两人首度合作电影《男人四十》，20年来文念中看着Ann对电影付出所有，他好想纪录给后辈参考。拍摄电影过程得到Ann全力配合，相当顺利，但剪接时却令文导演喊了多次，只因有太多感动内容。撰文：杜淑霞 摄影：李维隆
文念中透过看电影《胡越的故事》及《投奔怒海》已欣赏Ann，到成为工作伙伴，对她的工作态度更为佩服，「佢每个戏都会亲自画晒所有分镜，佢真系好勤力，尤其系《黄金时代》我哋拍咗5个几月，佢画嗰叠分镜有成寸厚，佢对电影嘅投入，专注态度令到我好欣赏，所以有日同同事倾开，咁少香港电影人嘅纪录片，大家觉得好想为许导演拍个纪录片。」
16年文念中为Ann执导的《明月几时有》做美指，他徵求Ann同意拍纪录片，但答案出呼意料，「我send message畀佢话『导演，我想拍个你嘅纪录片？』因太熟拒绝都冇咁尴尬，佢即刻覆番我，『可以，你咪拍罗！我惊你拍出嚟冇人睇啫！』佢觉得70岁老人家点会有人睇啫！但系我做呢件事唔系商业考虑，只觉得Ann作为一个香港导演，喺香港电影工业里面，佢嘅作品或者创作路向，又唔系好同主流导演，好特别，好想纪录低，如果新入行嘅电影新力军，想对上一代导演有多啲了解，透过呢啲电影会知道多啲。」文念中邀请圈中人访问，看到Ann人缘极好，「徐克、施南生、陈果、杨凡、张艾嘉，讲起Ann言谈间好爱锡佢。」正因访谈真情流露，文念中剪接时经常剪到喊，「剪片过程有9个月咁耐，到𠵱家上映每次睇，都有唔同嘅位令感情涌住涌住眼湿湿。」
最新回应