【独家】为抽40万车再买嘢换抽奖券 邓梓峰同孖仔商场上上落落

因为疫情关系，做开司仪嘅邓梓峰停咗好多Job，创办嘅「梓峰教育」亦因禁聚令而关闭，冇乜嘢做就争取时间亲子乐，日前就见到佢同高过佢嘅孖仔Matthew(邓柏晖)及Justin(邓松晖)去又一城行街，买完嘢仲去咗填抽奖券，得知大奖系一架40万嘅车，为咗多一个机会，仲即刻补飞买多几样嘢凑够钱再换抽奖券。采访:谭壹致

邓梓峰的一对孖仔一直在美国波士顿大学升学，每年都会趁假期回港陪父母，已22岁嘅两人日前就陪老窦去行街，买咗衫又买咗日用品，凑够数就去换抽奖券，头奖系一架379,800港元嘅Honda。

三父子玩抽奖
记者发现三父子喺抽奖区默默填抽奖券，呢种填唔系用笔填，系用App填，搞搞吓三父子突然搭自动电梯去咗下层嘅日本连锁服装店行咗个圈，拣咗一阵就买咗保暖裤及保暖衫，然后三人又上返去抽奖区再换卷，其间两个仔又唔知行咗去边，邓梓峰就企正路中心系咁揿电话入啲抽奖资料，见佢揿到皱晒眉，状甚苦恼，搞足十几分钟终于完事，三父子终于可以离开，抽奖结果应该已揭晓，唔知佢哋够唔够Lucky呢?