追忆旧爱相信上天会给更好的 55岁梅小惠仍对结婚有憧憬

梅小惠受访电台节目《旧日的足迹》，自曾志伟重返TVB担任高层后，有网民选出十大最想见的回巢艺人，小惠名列第8位。被问到志伟有否邀她回巢？她说：「总之大家系好朋友，知道理念系乜嘢，有需要帮手嘅话，一定一呼百应。」
谈及旧友，TVB近日深夜重播小惠曾参演的电视剧《他来自江湖》，她的心里却感到无奈，说：「我宁愿唔重播，我情愿要返达哥（吴孟达）！之前，每朝早7点都会收到达哥早晨嘅微信，闹钟未响㗎！一年左右大家（讯息）都停咗，最后一次喺旧年10月，之后就冇晒信息，未知系咪因为佢身体唔舒服。」

去年底小惠的旧爱曾伟权离世，她心平气和回应只会记得对方的好。「 我21岁见到笋嘢（曾伟权）就飞身过去，佢又高大又靓仔，第一日已经想（同佢）结婚，佢冇求过婚，因为我哋已经喺埋一齐。（大家）最后一次见系喺爸爸丧礼，我主动多谢佢……我冇乜嘢，我只会记得佢保护我，佢系好演员曾教导我，又会车出车入，我想食肠仔饱佢又周围去搵畀我，呢啲就系美好嘅回忆！」

被问及阮兆祥在她心碎时搬到她家隔离居住，曾否想过跟对方发展？小惠坦言：「大家唔知其实佢（祥仔）当时都失恋，咪一齐相依为命罗！不过佢真系好锡我。佢太太会唔会吃醋？祥仔未结婚㗎！我再次澄清佢系单身嘅，有兴趣可以致电营业部徐小姐，哈哈哈！我相信上天会畀一个更好嘅人我！我有机会都想结婚，但系依家已经系家庭主妇，我一个人住都要煮饭洗碗，不过系一个未结婚、就快（4月17日生日）55岁嘅家庭主妇！」