【粉丝增一枚】进军国际第一步杀入维园　肥仔@ERROR晒舞技冧家佣姐姐

2021-03-15 14:30

ERROR队长肥仔（梁业）今年1月尾首度「单飞」推出新歌《Lady Killa》，MV中他更收起一贯搞笑形象，化身「Chok爆型男」，与20多名舞蹈员大跳韩式劲舞，反应不俗！不少网民都大赞制作认真，水准媲美电影，又指肥仔唱得又跳得，好有型，不过亦有人嫌唔够喉，希望他再跳多啲。为满足Fans期望，肥仔上月再推出足本Dance Version影片给大家观赏，片段仲以一镜到底方式拍摄，深得网民喜爱。

昨晚，肥仔在IG分享一段在维园大跳《Lady Killa》舞步的影片，还找来一名年轻男舞蹈员共舞。片中可见，一群外藉家佣姐姐在球场席地而坐，肥仔与男舞蹈员就背向人群对镜头起舞，其间全场姐姐如常做自己嘢，完全无视二人，当中只得一位家佣姐姐眼也不眨望实他们，十分搞笑，肥仔留言打趣道：「为咗《Lady Killa》可以打向国际，所以今次踏出第一步去Kill d（啲）外籍人士。你见到佢哋见到我哋都舔晒脷就知我哋咩料。」其实会唔会系姐姐们食饱舔脷咋？一众网民即纷纷笑指：「Kill唔到喎」、「后面班人Ｏ晒嘴」、「皱晒眉头喎姐姐」等，又建议他们邀请家佣姐姐一齐跳：「下次教埋啲姐姐」、「应该叫埋啲遮遮一齐killa呀嘛」、「可以去晒香港所有区跳一次」、「觉得啲姐姐好好运」。