【独家】跟影帝拍广告有亲密戏艾妮攞正牌抽张家辉水

2021-03-16 21:00

出道一年的艾妮（Elly），11年参加《超级巨声3》因家人反对入行，结果大学毕业便当了6年手术室护士，但她一直没放弃歌手梦想，继续兼职唱歌，终再遇上签公司正式出道机会。今次得到家人支持下，艾妮当新人这年虽遇上疫情，机会仍接踵而来，最近更有机会跟张家辉合作拍广告演一对，她笑言攞正牌抽水，叫大家唔好妒忌佢喎！采访：撰文：杜淑霞摄影：梁志明发型：Ritz Lam @Leonardo 3 Hair Corner 化妆：Cyrus Lee 场地：英皇骏景酒店骏景轩

11年Elly以原名林丽诗参加《超级巨声3》，但因家人想她找份稳定收入工作，结果她大学毕业便当上护士，但她并未放弃追梦，「呢6年时间一路做护士一路有唱歌，唱歌如果放弃咗会好可惜，我返工系朝九晚六，夜晚照去唱歌，嗰阵时冇乜时间剩，我一日系返16个钟，返去瞓觉起身又返工，但系我好enjoy嗰阵，去到19年认识公司嘅同事，有机会去试音，跟住入行出唱片。」Elly坦承觉得这次是最后机会，加上家人大力支持，爸爸更成为她的头号粉丝，所以当时决心以29岁之龄由新人做起，「佢哋会同番我讲，条片出咗啦！我未知佢哋已经知，又话多人睇，啲人留言讲咩，我每日返到屋企，我阿爸系播紧我啲歌㗎，佢系头号fans。」

除了唱歌，Elly入行后对演戏愈来愈有兴趣，继之前在网剧《女法医》跟台湾型男张孝全合作，最近有机会跟影帝张家辉做对手戏拍广告，「今次再到张家辉做对手戏，都有紧张，因为我啲同事好衰嘅，净系话『你同张生合作』，我当初以为系张敬轩，原来系张家辉，我系unbelievable，后尾收到剧本知道要做佢女朋友、跟住老婆，再做大肚婆，系有好多新尝试未做过。」到埋位时，因张家辉太nice令Elly压力全消，「见到佢好好人，好睇后辈，个人都放松咗好多，冇之前咁惊。」讲到广告有不少亲密戏，她笑言：「啲fans唔好妒忌我，今次系攞正牌，导演叫我做，乘承机抽吓水，好开心有得抽影帝水！」而Elly最希望下次有机会正式跟张家辉合作演戏。