【好玩唔玩玩屎】用大酱扮屎吓妻儿　HaHa二仔吓到崩溃狂叫

活跃于各大综艺的HaHa（河东勋）以大细路著称，即使已41岁都仲系童心未泯！日前他在个人YouTube Channel「하하 PD HAHA PD」挑战韩国十分流行的Prank，以大酱扮屎吓小朋友！育有两子一女的HaHa拍片整蛊仔女，为求逼真啲，他在接大仔Dream放学时开始扮肚痛，点知被对方问系咪又要Prank，极速失败！

其后HaHa坐在马桶上大叫仔女帮手拎湿纸巾，二仔Soul见枱面纸巾有「屎」即中计，当他把湿纸巾递向爸爸时，HaHa就将「屎」揩到对方手上，搞到Soul即喊晒口兼疯狂尖叫，仲问爸爸：「做咩要屙屎！」场面爆笑！至于细女Song就俾人Prank咗都唔知，直接带埋手上嘅「屎」行开去。HaHa又即兴整蛊埋歌手老婆星（金高恩），见她一味傻笑望住老公，都唔知好畀咩反应好，非常无奈！