做惯奴才陪摸陪玩陪瞓 李幸倪靠猫咪把关拣男友

李幸倪（Gin Lee）参与时装品牌联成「香港拯救猫狗协会」项目拍摄广告，宣扬「领养不弃养」信息。今次Gin Lee自愿做「配角」，被广告中的小猫抢尽风头。
Gin Lee自言做惯「奴才」，逗猫完全没难度：「屋企都有位主子『杏仁糊』，平时放假都要铲便便、梳毛一脚踢，开完餐又要陪摸、陪玩、陪瞓，听到佢『煲水声』就系最大嘅回报。今次拍呢辑广告，可以为猫咪出一分力，仲可以同猫猫一齐玩，不过我怕收工返到屋企，俾佢闻到我摸过第二啲猫会呷醋嬲咗我。」
拍摄期间猫猫非常「满意」Gin Lee表现，不时「挨挨凭凭」任摸唔嬲，她自言与猫融为一体，笑言是「猫星人」：「可能我前世都系猫猫，要氹猫完全冇难度！其实宠物同主人都系由信任建立关系，喺我屋企猫猫地位好高，以前试过有啲男仔想追我，但系过唔到屋企位主子呢一关，所以都冇一齐到。因为猫嘅观感好强、好单纯，佢哋好易睇得出呢个系好人定坏人，所以要做我屋企人，要过猫猫呢关先得。」
Gin Lee谓没带自己猫猫来拍广告，因为广告中的两只猫可以给大家领养，让它们多点曝光，给人看到它们可爱一面！她还担起媒人的重任，帮猫猫影了很多写真传给朋友们，看谁合眼缘做它们的新主人。