【见到都痛】等嫁唔使捞系咁玩 吴千语三亚滑水疯狂咁挞

27岁的吴千语（Karena）同百亿身家富三代施伯雄拍拖两年几，不久前被爆同男友秘搬入5,000万元九肚山大屋，有男友锡住唔使做，等嫁嘅千语提早享受「少奶奶」生活。

好多人恨去旅行，千语都恨所以去完上海过农历新年后再转去东北滑雪，幻想自己去咗北海道，因为大把时间所以佢近日又转去三亚晒太阳，锺意滑水嘅佢当然日滑夜滑。

今日千语上载咗自己嘅滑水片，特别之处系13秒长嘅片有佢疯狂挞落水嘅片段，总共挞咗六次，挞到隔住个Mon都戥佢痛。连滑水之友关智斌都留言问佢:「What?」，马明嫂唔唔知系咪挂住马明挂到傻咗，竟然赞千语无限挞好有型。