1岁B仔老窦身份超神秘　杨思琦被寸一人分饰几角：好搞笑

杨思琦和罗霖为节目《Master's Talk师父有请》担任嘉宾，对于二人没有另一半分担责任，主持人麦玲玲也大感佩服，她形容罗霖是嫁入豪门，可惜外界不太看好，罗霖说：「坊间好多朋友真系好多打赌，睇吓结婚定会分手。我都冇谂过同佢结婚，对佢初初冇乜感觉，因为佢唔系我锺意嘅类型，当初佢话追我，我系好惊，因为当时啲八卦杂志话佢系公子，又同其他娱乐艺人一齐，所以初初都系避开佢，不过后来一大班朋友活动就成日见到佢。」

谈到独力凑大3个儿子，罗霖认为看上去很有型，但都是为世所迫，「离婚唔系一朝一夕，我忍好多年，都希望啲仔大啲先，直至佢超越咗我底綫其中一点，所以就离婚。（赡养费？）离婚一刻赡养费系零，我负责小朋友生活费，前夫负责小朋友教育费，点知过半年佢同我打官司，想分我一半钱，学费佢都只想畀部分，打官司真系好心力交瘁。」

至于2012年，传为「空心老倌」吴帅诞下女儿杨卓颖（Krystal）的思琦，表示当年已有生BB的打算，无奈后来跟前男友吴帅产生了些问题才分开，她说：「唔系大家想像咁……件事好简单，我唔会觉得几震撼，当时唔敢讲，面对传媒系逃避心态，怕讲多错多。」并谓试过返内地工作至凌晨3、4点回港，杨母才告知囡囡有份功课未完成，她形容是晴天霹雳，于是火速为囡囡完成后才去休息。

那么离婚后会否期待「第二春」？思琦说：「头几年真系唔会谂，唔会有心情出去约会，不过当时个女有话想要弟弟。（女儿会否问起爸爸？）佢冇问，但佢话过想要个爸爸，所以现时好开心，亦叫现任丈夫做爸爸，不断叫爸爸，佢恨咗好耐。」她前年忽然再怀孕兼结婚，细仔Kody于去年初出世，不过BB爸爸身份一直成谜，思琦仅透露对方是圈外人，不曝光亦是尊重对方的决定，她说：「我入行都廿年，由细睇到我大嘅传媒，有咩都可以讲，不过佢话唔想讲我咪配合。（呢个世界上唔多人知？）系呀，网上话虚拟老公，话我自己一人分饰几角编出黎，咩大话冚大话，我觉得好搞笑，总之而家生活好开心。」