首跟T-Ma冯允谦合作 陈卓贤《DWBF》讲暧昧向方大同致敬

即将在5月开骚的男团MIRROR，5场门票秒速售罄，一票难求！今年除了有演唱会及团体新歌《Warrior》外，多位MIRROR成员亦推出Solo，继Edan（吕爵安）、Anson Lo（卢瀚霆）、姜涛及Jer（柳应廷）后，Ian（陈卓贤）亦于昨晚发布新歌《DWBF》。

《DWBF》意即「Don’t Wanna Be Friends（不想只当朋友）」，讲述暧昧男女恋人未满，既期待又怕受伤害的心路历程。Ian透露创作灵感：「故事系讲一个男仔唔想再同对方做朋友、希望超越友谊，终于踏出一步，所以有呢个构思同歌名。」

之前已谱出《鲸落》、《蜗牛》等歌曲的Ian，首度与T-Ma及冯允谦共同担任《DWBF》作曲人。Ian指今次全靠监制T-Ma牵线，也因为创作过程愉快，令他希望日后可与更多音乐人合作。虽然Ian今次未有填词，不过却提供歌词灵感：「我同作词人郑敏倾咗好耐，佢好了解我嘅谂法。因为我好钟意方大同，所以将对方嘅《爱爱爱》同《歌手与模特儿》放入歌词，当系一个密码。」


《DWBF》MV以温馨又复古的六角形房间作布景，令Ian大赞制作用心。不过在《男排女将》演出自然的他，竟被一场戏考起：「导演想我喺间奏时弹琴，于是我即刻听吓首歌，想临时弹出嚟！我唔想阻住大家，但又好耐无弹琴，都几大压力！喺冇准备嘅情况下有啲惊，算系最紧张嘅戏。」

Ian近期忙于宣传下周播映的ViuTV原创剧《无限斜栋有限公司》，他亦承诺会继续向唱作人目标进发，同时率先透露计划畀Fans：「早几个月好似冇乜动态，知道大家有啲担心，其实系为今年嘅计划做准备，包括《DWBF》都系呢几个月嘅创作；自己都有继续进修，想各方面都做得更好！例如之前讲过今年想出四首歌，所以要加紧脚步催促自己，希望可以如期完成，亦希望大家到时关注我嘅作品。」