【棚牙好闪】懒理女网民嘲笑偷相 62岁麦当娜连日发功晒巨乳相示威

62岁乐坛天后麦当娜（Madonna）日前被28岁TikTok红人Amelia指未经同意擅自盗用其照片放在15年推出的《Rebel Heart》专辑内， 仲寸爆天后不问自取其「少女身」，更要求得到「名份」。天后当然睬佢都傻，但之后就喺IG狂Po着黑色性感内衣加高炒爆乳相力证自己「宝刀未老」，Fans亦好受落，大赞好Hot咁话，Fans口味真系重啊。

娜姐仲未肯收手，继续贴爆乳相，但今次加多件紫色风褛，仲担住卷烟影相，眉梢眼角迷迷哋，仲唔觉意晒埋个钻石牙套，老实个样都几吓人。