前老板叮嘱勿选圈中人 菊梓乔搵老公要高富帅

菊梓乔（Hana）受访电台节目《旧日的足迹》，就TVB改革，Hana称已跟新任星梦CEO何丽全会面，表示对方十分留意她，亦清楚其成长背景。她说 ：「我哋冇倾去留问题，因为我根本未完约，仲有几年。不过佢话我好惨，因为形象被定格系一位楚楚可怜嘅歌手。歌手应该多方面发展，未来要唱多类型嘅歌曲。」
Hana说也见过曾志伟，并鼓励她努力做好音乐。被问到会否害怕一姐地位被动摇？Hana自言入行只有5年，不单并非一姐，反而仍是新人：「我得到『最受欢迎女歌星奖』只系代表幕后嘅团队领奖。当年发生咗好多事，可能公司冇人可拣，否则未必会选到我。」
Hana透露现时每日都跟前老板Herman（何哲图）通电话，对方每次都著她放心。虽然她也认为公司变动很大，但并不担心自己的事业发展。最近有玄学家指她的真名陈晓怡很好，其事业可以去到更高更远，她也希望有一天像王菲一样用回真姓名。
因为家庭环境关系Hana很早已投身社会，她坦言从小到大最自豪的是自己没有学坏，原因是她要做妹妹的好榜样。谈到爱情她却不能自拔：「10几岁已经开始拍拖，感觉爱情好恐怖，控制唔到，锺意咩人，冇得迫冇得假。我初恋咗个世纪贱男，佢好多女朋友，郁手郁脚，攞晒我啲返工钱，所有节日都唔陪我。3、4年后分手，因为有人提醒我唔好将所有梦放喺一个人身上，要创造属于自己嘅事业，分手后佢唔能够带走嘅嘢。」

有传Hana与张景淳拍拖，她斩钉截铁地否认，并谓：「我依家要搵嘅系老公，一定要高富帅，好靓仔，超级靓仔，就好似漫画男主角一样标致。因为我要求愈高，愈难搵到，我就愈专心工作。我觉得女孩子一定要结一次婚，否则唔够完整，简简单单签张纸都可以。我35岁都唔使急，林志玲姐姐啱啱至结婚无几耐，完全冇问题。我想就算结婚之后离婚都好，话晒都结过，当然我希望一生一世！父母嘅破裂婚姻未有影响我，因为我又唔系嫁畀我爸爸……我有信心将来可以搵到一位高山低谷都可以陪住自己嘅人，面对一切逆境捱过就好，再坚强一啲将来一定会好嘅。」Hana谓Herman尽力帮她发展音乐事业之馀，更似爸爸一样照顾她，还说会为她物色对象，叮嘱她勿选择圈中人。