与张继聪肉帛相见揽埋一嚿 Chilam唱《Baby Shark》被考起

抗疫电影《总是有爱在隔离》两位男主角张智霖（Chilam）及张继聪（Chilam），在戏中上演一幕「肉」帛相见搽芦荟油，Chilam直言：「帮人按摩都唔容易，特别阿聪啲肌肉咁厚⋯⋯真系每个行业都有艰难嘅地方。」阿聪就话：「好在同Chilam熟，所以牺牲色相都唔尴尬，如果同其他冇咁熟嘅人，可能会就住就住。」
提到牺牲色相，也不及浸热水浸足半日，阿聪表示：「以为有桑拿戏好爽，点知浸完冇得按摩，同埋我觉得我哋好似打边炉个炉入面嘅杂菜，出晒烟！」Chilam表示同意之外也补充：「我哋浸到晕晕地，其实一班负责拍摄的剧组人员同我哋一齐浸，佢哋仲辛苦。」

不过最大挑战，就系其中一幕要唱大热儿歌《Baby Shark》氹细路，两人异口同声都话好难。阿聪笑言：「作为歌手唱开啲复杂嘅歌，要唱呢啲简单嘅旋律系有难度；不过Chilam辛苦啲，冇乜点听过呢只歌，我听呢只歌已经听咗过亿次！但呢场戏其实我哋系衬托个小朋友。拍呢套戏都好开心，可以试到好多唔同嘅嘢，飞车、打斗、唱歌、捽油等等，平时好少一套戏会试到咁多嘢！」
讲到飞车打斗，戏中两人本为仇家，一见面就斗过你死我活，有一幕讲述两人打斗后逃走，阿聪因赶上车要飞身入车，为亲身上演这一幕，即场跟武术指导学习。他说：「真正危险嘅动作，系靠专业嘅武术演员，我试做呢个飞身既一小个动作，希望为套戏出一分力。」