【独家】亚姐打鼓为拳击节目做势林宝玉晒腹肌34E张可盈最「澎湃」

2021-04-30 00:53

正当TVB用9大综艺节目力战ViuTV时，原来亚视都默默起革命，除筹备拍新剧外，还每月一次直播拳击节目《KF 1百万拳王》，由6位亚姐蔡小蝶、范莎莎、林宝玉、张可盈、何双妍及高文君为节目表演打鼓，务求为亚视打出声势。操出马甲线的林宝玉封为「女拳王」；34E张可盈最「澎湃」成为全场焦点，33B娇小范莎莎亦笑言唔敢企佢隔离！采访：方骞平摄影、谭壹致化妆：Queenie@stylist_maker

《KF 1百万拳王》由麦长青主持，6位亚姐为拳手呐喊助威，打开拳嘅33C林宝玉大晒腹肌，并被选为节目特刊嘅封面女郎，当日6位亚姐接受本报访问时，她还即场教张可盈修腹秘诀。

胸大影响打鼓
林宝玉Keep住有做运动，但因为之前工作过劳，加上打鼓触及旧患令韧带撕裂要睇急症：「嗰日成个人跪咗喺度，要人扶住坐上轮椅，连呼吸都痛，最后停工一周瞓牀。」不过，讲到靓仔拳手，林宝玉就开心返：「我睇中师傅吴嘉晋(咖哩哥)，佢个样一啲都唔恶，好正气，我好似小粉丝咁，会为佢欢呼！」在旁的范莎莎即举脚赞成说：「我锺意大只肌肉型男，佢哋keep到身形，证明对自已有要求，生活有规律。」她自爆有3个以上追求者，但目前事业为重，问到现阶段系咪只「收兵」？她秒回：「Just friend！」

至于「最佳完美体态」奖张可盈表示以前好肥，就算减咗30磅，上围变化唔大，仲话身材太劲都影响打鼓，范莎莎即取笑她打鼓时有回弹力！另32B何双妍唔够体力，打鼓时成日企唔稳失手；而蔡小蝶最怕血腥，见拳手受伤会惊到喊埋一份；高文君话打鼓可以减到「拜拜肉」。