林作被Cut卡冇人养裕美每月「供养」五位数唔怕被家暴

2021-05-04 10:00

裕美昨晚参与网上音乐会，她透露不会唱经典洗脑歌《搭错车》：「有一年未表演过唱歌，不过今晚（昨晚）只会唱《雪映移城》。」讲到男友林作的歌声，她即笑道：「佢五音不全，歌声又似细路！我成日嫌佢乸型唔够Man，不过胜在有才华，同埋有安全感。」

林作日前打首场业馀拳赛，预备9月的「林锺一战」，最后以一分之差输给19岁拳手黄明隽。裕美搞笑表示：「佢颈部同手臂拉伤，但唔会肉痛，因为我自己都想打佢！」她亦不怕林作会拳王上身家暴自己，「佢试吓打我呀！我实打死佢！林作都话唔敢撩交打，因为我养紧佢呀！」

裕美大爆目前收入比林作高几倍：「拍拖之后林作妈咪Cut咗佢啲信用卡，佢冇人养，通常出街都系我畀钱。有时系佢畀，不过佢会问我拎返钱，好孤寒㗎！（每月畀几多零用钱林作？）都有5位数字！不过佢有帮我间珠宝网店做简单法律谘询，当投资罗，或者将来喺佢身上掠一笔呢，哈哈！」她又笑指林作的性格是遗传自林妈妈：「佢妈咪会用几百万买名牌手袋，但搭的士找少两蚊都要攞返，可能啲钱都系积少成多！」