【独家】靠41寸逆天长腿撑住 前Dusty Bottle主音Kerryta单飞出歌再战乐坛
2021-05-06 08:45 
新冠肺炎疫情下，演艺界等多个行业大受影响，尤其乐队及组合有钱要齐齐分，就更加难捱。成立咗两年嘅5人乐队Dusty Bottle，去年10月出完歌曲《Paradise》后决定分道扬镳，各自出发。小休几个月后，环球唱片为主音Kerryta以个人姿态单飞再出道，首支个人作品《心野》将于明天(7日)面世。Kerryta有得留低，除咗拥有一把磁性嘅声线，能展现性感女人味外，仲有一条41寸逆天长腿，可以撑得住种种难关，相当吸睛。
《心野》以Neo Soul风格为骨干，能突出Kerryta性感女人味嘅特质：「当收到demo时就畀歌曲嘅节奏感及旋律所吸引。始终系首支个人主打歌，感觉既新奇又兴奋。」提到歌词内容以女性角度出发，讲出喺爱情关系中由女性做主导，对于「女追男」，Kerryta表示支持：「虽然我未试过女追男，但女性主动争取自己锺意嘅事有乜唔妥？我觉得女性可以有更多主导自己内心想法嘅权利，现今社会女性唔会忌讳表达自己嘅想法，可以勇于尝试新事物，男仔甚至可以化身drag queen，去化妆、戴假发，好自信咁展现自我。」
讲到有吸睛长腿，Kerryta信心满满说：「我168cm高，对脚41寸，呢个身形比例腿算系长嘅，不过觉得自己可以再高啲，170cm就满意喇！」
關鍵字
最新回应