【哈哈哈哈哈】ERROR拍《自肥企画》再中伏 阿Dee跌落两米深陷阱超好笑

ViuTV的《ERROR自肥企画》昨晚播出第四集，大玩「ERROR游诈诡」，即是整蛊4位ERROR成员肥仔（梁业）、阿Dee（何启华）、193（郭嘉骏）和保锜！193率先被整蛊，他收到主持任务，以为自己要帮手Prank另外3人，不过就被导演Mike喷忌廉，之后仲要拎起写住我系X头皮的牌；肥仔就收到睇鸭仔任务，最后被戴上电视台吉祥物Sound Bear头套的不祥物「ViuTV Buddy」推落紫色泳池水，乜都睇唔到，事后他才在IG表示原来池水加咗润滑剂！

而保锜被测试会唔会忍唔住偷睇「机密文件」，当然佢系忍唔住偷睇咗，最后大家排队用第二集出现过嘅「死亡恒星」射保锜下体作惩罚。

最后系阿Dee，堪称最阴公成员，继上集牺牲色相，俾人用气球塞下体玩爆破之后，今次就被Prank要拍「ERROR流忍者」。阿Dee有个招式「凤凰不死鸟」，他被指使冲向前出招，点知跑跑吓跌落两米深陷阱，令他崩溃表示「又呃我信任」！即使再次中伏，他依然关心「有冇ERROR流忍者」，换来Mike一句Hea覆「都有嘅！」，而且最爆笑系陷阱入面有赞助商的薯片用作防撞，完美植入广告，观众睇完都话第一次咁唔抗拒睇广告！