【好有爱】母亲节前夕向单亲家庭送暖唐安麒敖嘉年杨明庄思明爱心爆棚

2021-05-09 21:45

敖嘉年、杨明、庄思明和唐安麒喺母亲节前夕(7日)送暖，日前出席由有艇搭、人间有情慈善基金、中华关爱长者福利协进会合办的《妈妈我爱你联欢晚会》，跟几十个单亲家庭及其子女聚会，提早欢度温馨节日。当晚敖嘉年高唱《念亲恩》；唐安麒则向单亲妈妈分享「女人当自强」的心灵鸡汤，更即场传授美容扮靓之道；杨明和庄思敏邀请小朋友大唱卡拉OK，两人玩到踎晒喺地，好受小朋友欢迎，众人压轴主持抽奖环节，活动上充满爱。

唐安麒做人生导师

作为「人生导师」的唐安麒分享人生经历来勉励大家逆境自强，原来同样出身自单亲家庭的她，六岁开始和哥哥跟住妈妈生活：「妈妈一个凑住两个，生活艰难，我哋一家3口住过劏房3年。我16岁半做美容学徒，然后再慢慢咁建立美容中心。记得我19岁时喺尖沙嘴一所旧楼开咗第一间蚊型公司，后来我先知道，妈咪知我唔够钱，用咗一生5万蚊嘅积储嚟帮助我，妈咪嘅伟大令我好感动，更加体会到做人要努力向上。」由于做过劏房户，唐安麒更加明白他们需要，所以出点绵力，送够一个月的粮油，让他们喺一个月内唔使愁。

杨明庄思明开心晒

杨明和女友庄思明以情侣档姿态现身，同小朋友玩唱歌仔游戏，大派礼物：「见佢哋玩得好兴奋，我哋都好开心。屋企人好锺意小朋友，有谂过结婚，婚后会生B。」而前晚他提前返屋企同妈咪食饭，买咗海鲜及外卖加餸。至于经常做义工的敖嘉年表示，疫情下小朋友少咗去玩，当晚在场的尽情玩过够：「见佢哋充满活力，跑足成晚，真系有啲招架唔住！感受到做父母嘅难处，我冇谂过生小朋友，阿妈都叫我唔好搞！」而前晚他同样提早和妈咪食饭，还送她智能手机方便用「安心出行」出外食饭，最搞笑妈咪回赠一个用唔到的「摺龟」旧手机给他。