【维港会】数码港疫下灵活改善园区 照顾上班及消闲需要

数码港前排上咗立法会汇报工作进展，兼且介绍数码港扩建计划，讲到推动创科发展，议员普遍都支持，亦有兴趣了解数码港点样善用现有同未来落成嘅设施。要为香港创科发展打下根基，空间当然系关键，数码港扩建能够提供更多办公室及共用工作间，比更多初创公司有空间大展拳脚。据知疫情期间，数码港亦灵活改装咗部分会议室变成工作空间，俾更多初创公司使用，支持佢哋继续发展，一啲都唔嘥。

至于数码港商场早排因为疫情少咗啲人，但自从放宽限聚令后，据知商场戏院、餐厅都多返好多人。而为照顾喺嗰度返工同放假去玩嘅人，数码港喺商场开加咗新餐厅、商铺等，仲畀初创测试产品，包括消毒机械人、便当贩卖机、胶樽回收机等，充满智慧生活元素！

听讲扩建计划会改善海滨公园，仲会增加公共空间，相信未来数码港除咗会继续支持香港创科发展，仲会成为一个好多人去既景点！