【Juicy叮】每日准时放工老细有怨言 千禧后新入职女员工被警告

职场文化各有不同，打工仔稍有不慎就会误堕陷阱。有女网民在网上讨论区「亲子王国」发文，指一名千禧后新入职、女同事经常准时收工，导致老板有怨言，其后女同事还接获警告。

网民透露，公司近期请了一位21岁年轻女员工了，还未过试用期，「见佢日日准时走，老板都未走」。网民指，该女同事日日准时6点钟收工去玩，「老板依家都有微言，好唔好话畀后生女知件事？」

网民又抱怨， 「教佢新嘢佢都未熟，打一份100字文件打一日」，又称「我都想准时收工，班资深同事唔走，好似唔合群咁...我公司好多同事扮做嘢，其实上紧讨论区打机」。网民又直言，「我喺呢间公司做咗两年，文职工作，之前做都好准时走，跟住俾班资深同事话，之后唔够胆准时」

其他网民留言，不少人都觉得准时下班合理，有人指「唔知点解准时放工系错」、「其实准时收工有乜问题？我日日咁努力工作都系想准时收工啫，好彩我公司冇d咁嘅 OT文化」、「如果人地按时做晒啲嘢，准时走好合理，无理由同你扮勤力架嘛。咁老板有微言咪叫老板炒佢罗，否则个女仔只会继续准时收工」、「如果做晒嘢走，无问题。仲表现出有效率，反而做晒仲要扮做嘢，磨烂席留响公司。表现得无效率之馀，仲浪费公司资源（灯，电费）。呢啲先系冗员」

发文者昨日补充进展，「女同事入咗房真系俾HR warning 工作未达标，要完成上司指派的工作。新同事之后冇出过声，坐咗喺自己个位」。

发文者又披露「我公司仲有一样变态嘢，要每日收工前打返report email俾上司，交代今日做过咩，间公司系行内都出名衰，佢都成日炒人」。她直言，都打算上求职网站另谋高就，「我觉得道不同不相为谋，潜规则系公司、老seafood定，除非你系老板个老婆、兄弟姐妹有地位，唔系都几难改革，我都对呢间公司心淡，我今日都开始上JobMarket，我都系公司小薯仔改变唔到甚么。」。

帖文转载自《大后生女准时收工 老板开始有微言？》