【独家】社运下拍《浊水漂流》有难度李骏硕笑柯炜林太投入令人感压力

2021-06-03 18:30

导演李骏硕（Jun）继18年首次编、导演电影《翠丝》后，最近再有新作《浊水漂流》同样以社会议题作主调，而露宿者问题早在他学生年代已接触，但他强调只想拍个维权故事。Jun在试镜下选了柯炜林（Will）饰演年青露宿者「木仔」，而电影在社运期间拍有一定难度，但Will因太爱该电影及角色产生的超强投入度，连Jun都笑他令制片有压力。撰文：杜淑霞摄影：谭壹致发型：Oscar Ngan@ii ALCHEMY hair(Will) 化妆：Kineks Ho@Ling Chan Makeup(Will) 服装：Homme Plisse Issey Miyake(Will) 场地：Campfire Collaborative Space(Will)

读大学时Jun做学生记者已接触露宿者问题，这个议题一直印在他脑海，更决定写剧本拍成电影，「我唔系要拍一个好优秀，好令人喊嘅故仔，系想拍一个好愤怒嘅故仔，佢明确系一个维权嘅故仔，唔系要睇佢哋几惨嘅故事，系睇一班人去处理一个追讨嘅事情，而呢啲唔系净系露宿者经历嘅事情。」

冇对白更大发挥

由于电影主景在深水埗街头拍摄，而当时正值19年社会运动，令整个制作有一定难度。Jun说：「拍时好困难，我哋唔知道下一刻发生咩事，有好多时候副导演同我讲（冲突）已经喺两条街之后，我哋呢度好快会拍唔到，我哋要快啲拍，好多时候我哋现场一、两take就过咗，好大压力，但呢套戏好多日其实都系早拍完嘅。」虽然早了收工，但超投入的Will竟然主动提议加戏，连导演都笑指他令制片有压力，Will说：「我哋机动性好够，crew又比较容易沟通到，所以呢一下剧情需要偷只鞋畀镇宇哥，咁啱经过有间鞋铺，我就同制片行咗去一齐问，导演话好就拍。」

Will连制片都捞埋，只因太爱这电影和角色，戏中他饰演的露宿者「木仔」差不多冇对白，「佢畀咗好多想像空间我去思考，唔用对白之下去表达到个情绪，畀咗好多自由空间我去摸索，因为『木仔』同其他露宿者唔同，佢唔系只系得（做露宿者）呢个选择，佢有其他选择，但系佢选择做呢件事，可能佢背后有好多唔同嘅因由，我可以加落去，我问导演咁样行系咪啱，好快捉到个情绪，所有嘢好舒服就拍完。我锺意睇书，个剧本有个文学性感觉，好啱自己口味，加上佢摸索同埋玩嘅空间好大，令我更加喜欢『木仔』呢个角色。」