【冇情伤喇喎】去船P有仔仔唱歌𠱁开心 麦贝夷IG晒比坚尼放题超风骚

麦贝夷（Karene）早前指控拍拖3年多的「男友」性伴多得惊人，矛头直指曾传绯闻的翟威廉，昔日好姊妹裕美更「躺着也中枪」，无啦啦成为「小三」嫌疑人！连日来隔空骂战，被爆曾背男友Edmond偷食威廉的Karene，受尽是否缠绕而情绪低落，经朋友开解及打拳发泄后，近日她都积极投入工作。

今日Karene又于IG上载出海照，原来她约了罗堃尉及一班圈外好友开船P，当中不乏男生，见片中Karene与一名男友人合唱《相逢何必曾相识》，听到男方落力以「台山话」唱出歌词，搞到她都笑不停狂嗌「辛苦」唱唔到，睇嚟Karene俾对方𠱁得好开心！随后，Karene再上载多张坐巨鸭的靓相，身穿三点式的她一边傻笑一边用双臂夹出3寸事业线，另外3张她则大骚长腿，尽情在甲板上享受日光浴，Karene留言：「继续发放好kai的笑容加上镜头边睇手指头😂#kai是不会停止的」

此外，2014年落选港姐黄碧莲（Linna）亦于社交网分享Staycation照，相中穿比坚尼的她挨在沙发上大晒长腿，状甚写意，并以英文留言：「今个礼拜预测嘅雷暴系发生咩事？你哋嗰边系咪好热？因为今日都仲好热罗！」连日来Linna仲频频预告下周五（25日）有事宣布，究竟咁神秘系咩事呢？