疫情下重整思想生活变得朴实 宣萱深信有缘迫到埋嚟都挡唔住

宣萱今日以大使身份出席医务所活动，代癌症病人答谢肿瘤科医生，她表示近日趁拍戏和拍广告前忙于清理家居，她要断舍离，狠狠地清了共3大个垃圾袋，当中的电器及衣物赠予有需要的人或捐给救世军，亦有不少饰物送赠深水埗摆档摊的婆婆。不过过往喺台庆着过嘅战衣及百多对高踭鞋都唔舍得掉，试过几次重穿高踭鞋，因为放得太耐，搞到行行吓甩踭。问执拾旧物可有勾起回忆？她笑说：「睇返奇怪点解条裙23腰咁幼都着得落？𠵱家腰围几多？唔好提...几多寸罗！」

问空馀时间可有男士邀约？宣萱直言约她也不去：「冇啦，呢年几我都冇出街食饭，唔系惊自己中，而系惊同场有人有事我就要隔离。」她否认有好多朋友介绍男仔她识：「疫情下呢年几令我重整思想，个人都放松晒，只要有基本生活就够，搵另一半随缘啦！因为呢啲迫到埋嚟都挡唔住。」