唔敢同Chantel打招呼 吴业坤惊留坏印象

吴业坤作客J2综艺节目《Mean Talk》最后一集，回应与《声梦传奇》大热Chantel（姚焯菲）近日种种新闻，他强调对女方没有任何非分之想：「真系只系畀Chantel迷倒。（有冇跟人哋返屋企）冇呀！之前知佢哋附近化紧妆，我经过都好挣扎好冇入去望下，到最后都冇，我真系好忐忑。我惊如果我行过去打招呼，佢对我有坏印象咁点算？！」即惹来其他嘉宾半嘲笑半安慰谓：「你冇事吖嘛」、「佢真系好锺意喎咁」！坤哥闻言继续解画：「我宁愿我系零、系nothing！都唔想系负数。」

坤哥还透露出道了一段日子后，曾在公司遭受化妆师白眼：「当时要排队化妆，我见到有空位就坐落去，咁轮到我嘅时候，个化妆师只系系咁易扫一扫就话搞掂喇（1至2秒）我心谂系咪真㗎？但我又唔敢问佢系咪已经化完。我唔系要你化到我好靓仔，但呢一个（感觉）系唔被尊重咯。」坤哥又指事后只能默默自行「补妆」。