【独家】搵劲人学唱歌脱胎换骨小肥出柜变轻松又怕拍拖

2021-07-01 02:25

小肥即将推出由陈辉阳监制翻唱靓声碟《Siufay Modern Classic 2010–2020》，头炮先推出跟Serrini合唱许廷铿的《青春颂》，他自爆录音时被唱得的Serrini声音盖过，不过他不怕将来同台被比下去，因他录碟前搵了劲人学唱歌后有脱胎换骨感觉。而碟中亦有唯一新歌《废柴》纪念他出柜，他承认出柜后面对大家感觉更轻松，但暂时未有动力投入新恋情。撰文：杜淑霞摄影：谭壹致形象：Patrick Ho 化妆：Yen Lai 场地：EØN

小肥原来当年由陈辉阳一手带入行，但始终无缘搵对方监制唱片，今次终有机会就决定「搞大佢」，「就咁搵几只歌做专辑件事唔够大声，不如做只翻唱碟，再加入大家估唔到嘅元素，譬如同Serrini合唱《青春颂》，呢件事先够『银牙』！」本来这碟只有10首歌，但最终再加入纪念他出柜的《废柴》，以及TVB剧主题曲《年少无知》，「陈辉阳见我咁大件事出柜，咪写只新歌贺一贺佢，搵埋林夕填词。《年少无知》上年唔肯放版权，今年人事变动何丽全先生肯放，咁就变咗11+1。」

同Serrini合作觉安全

小肥形容跟Serrini合作「感觉很安全」，有唱歌劲的她傍住，但他自爆录音时趣事，「陈辉阳话『Serrini把声太劲，推大一格你把声都冇』，哈哈！」不过小肥不怕将来同台会被比下去，「愈嚟愈唔怕啦！𠵱家都慢慢增值紧，所以我唔怕！」小肥所谓的增值，原来是录碟前陈辉阳要求他学唱歌，「先安排个意大利老师透过网上上堂，上一个钟好似睇医生咁，我呵咗一轮，佢就睇到我有咩要必须练习同改善，佢将呢啲问题放畀佢喺香港嘅学生叫Guddy，继续同我上堂，慢慢feel到个进步同改善，我中途都有去唱live做《Chill Club》，觉得好多嘢轻易咗好多，旁人又点睇呢？有集《Chill Club》我系同江若琳（现名江伊晴）陈柏宇，陈柏宇见到我『哗！小肥劲咗点解嘅！？』」

讲到出柜，小肥承认身边人都感觉他更开心，「卢巧音都觉得，我系feel到自己unlock咗啲嘢，但系估唔到你哋反应系咁大，𠵱家自在咗，仲冇咩唔讲得！？」不过他坦言经历上次情伤后，未敢再投入新恋情，「我系啲谈恋爱十大排行头五位嘅双子座，麻Ｘ烦！怕咗重新开始。」