【独家】只身来港追梦捱到患情绪病 龚柯允认定音乐是一世工作
2021-07-01 23:00 
06年在家乡马来西亚出道的「马拉Karen」龚柯允，来港发展超过10年一直未见成绩，去年凭《全民造星III》知名度大增，再有机会签约公司重新出发。回想只身来港追梦日子，曾迫住60尺房间捱足两年，一个饭盒分两餐食，搞到患上情绪病，但她依然未想过放弃，所以去年35岁仍毅然参加《造星III》，她认定音乐是一世音乐工作，不论到几多岁都不会放弃。撰文：杜淑霞 摄影：张咏森 场地：The AIR (The ONE)
出道后曾到台湾发展的Karen，09年来港到《超级巨声》踢馆成功，即签约公司留港发展，可惜一年后公司结业唯有再返马拉，之后攞住少量储蓄只身来港一搏，当时只可寄人篱下，租住朋友家得60尺房间，「因为系寄人篱下，我活动范围喺间房入面，惊嘈到隔篱夜晚唔敢创作，对住四面墙，情绪系好低落，有啲情绪病出咗嚟，喺啲狭窄空间会突然头晕想呕，搭𨋢会突然呼吸唔到。好迷茫唔知点算，整咗首歌《做我自己》，决心同自己讲要喺香港发展。」为了悭钱她连食嘢都悭，「一个饭盒分两餐，下晏食完夜晚再食。」
签新公司感觉幸福
捱足两年，13年Karen积蓄差不多用光，本来搵赵增熹老师帮手搞工作签证方便搵工，结果老师签她做音乐，「真系好感恩，赵增熹老师伸出手扶我一把，嗰时我最黑暗嘅时候。」7年间她有做文职帮补收入，但依然冇想过放弃梦想。之后转做独立歌手遇到《造星III》，就算她已婚仍把握机会，「我唔会谂因为结婚，要去放弃理想或者梦想，而我唔会因为年龄局限，而去阻止我去做任何嘅嘢，好似《造星》，我属于成熟嗰批，哈哈！我唔会因为咁有咩包袱。」
《造星III》令Karen认清自己不足，跟彭秀慧上堂学表演令唱歌水准有提升外，更有机会签约新公司，她坦言感觉前所未有的幸福，「之前太辛苦，一个人做咁多岗位，𠵱家新公司『天盟娱乐』有专人去负责，又会畀我上堂去增值。最幸福可以专注番喺音乐嘅创作，唔会咁分心，有种受宠嘅感觉。我好感恩，冇谂过呢个年纪可以继续去做，好不可思议，呢个系我参加《造星》嘅statement，那怕我年纪再大，都唔可以放弃，女人咩年龄都好靓。（唱歌系一世工作？）系！好似减肥一样，哈哈！我为咗佢牺牲嘅嘢太多。」
最新回应