江欣燕自揭主动离婚留遗憾 爆前夫挂住睇波零反应

江欣燕（欣欣）作客黎芷珊主持的TVB访谈节目《单对单》昨晚播出，与前夫吴积逊拍拖10年、结婚12年才选择分开的欣欣，坦言是自己主动提出离婚：「我哋2013年7月分开，可能因为人大个咗，开始认识自己，先发觉我哋内心好大距离。我好多谢佢陪咗我廿几年，令我眼界阔咗好多，系我决定唔一齐。同佢一齐好似好开心，但唔系我本质。」她又直认对前夫留有少许遗憾：「系我提出话行开，佢当日系冇反应，佢睇紧波。咁我就话我行动了，佢哟完就继续睇波。我等佢睇完再解释番，其实好多嘢唔使多讲。」

欣欣直指觉得婚姻是一种困绑，大家应先想清楚自己需要怎样的另一半：「我经历好多嘢之后，我会好小心选择另一半，唔会再系凭感觉，真系要好了解自己需要啲咩，因为对方系你嘅一面镜。我估我将来嘅会系Partner，唔会系老公。」欣欣又透露从前的自己只爱谈笑不爱谈心，但现在已有所转变：「我发觉饮酒可以帮我拆咗自己度墙，我唔信任人嘅墙，以前我唔会无啦啦搵人分享心事；依家系连唔识嘅人，我都愿意交心。」

喜欢笑看人生的欣欣，在节目中带芷珊一起买完花再买餸，更亲自下厨炒生酮版韩式炒粉丝及落重料煲靓汤，招呼芷珊与江妈妈同枱吃饭，江妈妈更开腔劝爱女「饮少啲酒」，场面既欢乐又温馨。