【传婚变】在晴朗一天出发 苟芸慧手持粉红太阳花自勉要向上
2021-07-04 19:30 
37岁苟芸慧(苟姑娘)最近被传与47岁锡矿大王后人陆汉洋婚变，有传苟芸慧已经搬离贝沙湾爱巢，同老公分居，外传系两人对生B意见上有分歧。苟芸慧虽然冇挺身澄清婚变传闻，但她不时喺社交网站放相及片，分享正能量嚟自我打气。
面对感情波折，似乎冇影响到苟姑娘心情，上周她四万咁口出席乐易玲生日会，其后又相约朋友食饭谈心，好有正能量。今日她又拍片分享生活日常，短片中着住清纯白色衫，手持粉红色太阳花束嘅苟姑娘，化咗个靓妆向晴朗一天出发，之后再补咗个花束及样貌大特写，她除咗望住镜头单眼放电外，仲露出诱人微笑，电力惊人呀！她留言：「Happy Sunday everyone #粉红色#太阳花#星期日」苟姑娘成功呃唔少个Like及心心，也有网民提醒她要注意防晒，唔好晒亲呀！
至于太阳花寓意自强不息，带给人一种乐观勇敢，唔知系咪苟姑娘为自己打气，亦鼓励大家唔好遇挫败就倒下来。
關鍵字
最新回应