公开追前男友钱 郭思琳压力大致失眠兼生湿疹

曾与吴浩康传绯闻、有「格斗女神」之称的郭思琳，今日她在社交网自爆曾与一位圈外男友陈志滔（Chester）拍拖4年半，并公开向对方追数！

郭思琳称与Chester有不少钱银轇轕，包括投资以太币、开公司、交租、伯娘离婚的钱等，虽然未有透露前男友欠款总数，但她指男方对还钱一直采拖字诀。在郭思琳的千字文中，透露前男友曾在郭妈妈和朋友面前承诺，在今年6月内还清全数，可惜限期已过仍是不了了之，追数一事令郭思琳精神压力好大，经常失眠，压力疮和湿疹亦出现，她说：「呢几个月我一直低调，无论分手后佢特登搵我啲朋友唱衰我，我都无刻意搵人澄清，亦无喺social media讲佢半句坏话。我尽量忍耐，俾足时间佢还钱，连利息都无收。估唔到换嚟嘅就系佢一拖再拖 。」

郭思琳表示曾提议多个还款方法，包括分期付款，但对方都有藉口拒绝，「我帮佢谂埋办法还钱，佢竟然话会增加佢经济负担唔肯还… 难道我无经济压力咩？点解佢嘅问题要我呢个女人仔去帮佢承担？当初边个主动承诺会六月底还钱？边个懒型喺人地面前大大声话会出面借钱还我条数？」她透露Chester至今未有还过一分钱，并怀疑对方已将投资的以太币套现自用，她嬲爆表示：「陈志滔 Chester Chan，你争我钱，我追你还，系最正常不过嘅事！嫌我烦？还钱我咪以后唔使搵你罗！！！」事件公开后，不少网民都同情郭思琳遭遇，而曾经公开向张致恒追数的冯镓潆（Naomi）亦应同身受，称张致恒也曾承诺2月尾后会还尾数，最后还是继续拖数。