为带阿爷睇欧国杯决赛 Zac Efron自导自演短片《安老院捉走阿爷》

33岁的Zac Efron好搞鬼夹埋细佬Dylan Efron自导自演一段片，男角系Zac同佢住喺安老院嘅阿爷。欧国杯总决赛意大利对英格兰前夕，Efron兄弟揸车去到安老院，戴咗口罩嘅Zac鬼鬼祟祟入去，仲偷职员嘅锁匙咭，好似拍侦探片咁，贴墙而行，又翻筋斗搞到帽都跌埋，然后好易地就入咗阿爷间房，再将坐住轮椅嘅阿爷推上车，鬼马爷爷见到安老院嘅人，仲做手势示意咪多事。

被Zac形容擅长表演嘅爷爷一上车就饮可乐，然后镜头一转就见到三爷孙坐喺沙发睇紧比赛嘞，全条片背景系播放电影《职业特工队》 主题曲，好搞笑。