【Juicy叮】首日开工遇黑雨致电HR无人听 打工仔被责「失踪」无咗份工

有网民在facebook专页「奴工处」指，原本首日上班要签聘书，结果遇上黑雨警告要延迟，十多次致电公司人事部代表却无人接听，网民被责怪无故旷工所以拒绝聘用，网民怒不可遏当场大骂该人事部代表。

网民称，他家住北区而新公司办公室位处观塘，6月初应徵后接获聘请通知，安排6月28日首日上班。

岂料第一日上班兼签合同就遇上黑色暴雨警告，当事人在路上大塞车，于是照人事部代表的电话号码，致电公司交代。结果由早上8时半无人听，当事人起初以为黑雨可能未有人上班，所以由8时50分一直打，打到9时半都是无人接听，所以他就留言交代声黑雨情况。然后该公司一直都无电话回拨给他，他还以为黑雨无人抵达公司，否则应该早就有人回拨。

当事人于等到11时05分改发红雨警告才徒步回公司，结果一抵达公司就被人事部代表召入会议室，劈头就问 :「点解你今朝no show嘅？」当事人于是解释 :「今朝黑雨之后我一路都有打过返嚟，但系一直都冇人听。」

人事部代表却否认 :「冇喎，我今朝08:30就返到嚟，我枱头电话睇唔到有miss call同voice mail喎！」当事人坚持 :「冇可能喎，我真系打咗十几次电话返嚟。」然后当事人更取出手机展示通话纪录，证明他由8时半打到9时半都无人接听。

然后人事部代表就不置可否地糊弄过去这个问题。人事部代表推説 :「因为签约除咗我之外仲有个department head一齐，但系佢去咗食饭，或者你落去食个饭先，跟住你13:30再返上嚟。」

当事人中午过后再上公司，人事部代表又再推説 :「因为而家都过咗半日时间啦，今朝又黑雨，你呢个case就比较难处理，你听日9点正再上嚟签过约啦，当你start up时间系听日啦！」

当事人于是翌日才到公司报到，结果人事部代表却一改口风 :「X先生，由于你寻日嘅attendance唔系咁理想，而我哋公司系比较著重attendance嘅，阁下咁嘅表现，我哋公司就决定唔同你合作(签约)啦！」

当事人当场愣住5秒钟后，「然后我就一轮嘴咁疯狂X咗佢5分钟，跟住我就拎袋走人！完全唔畀佢有反驳嘅机会…因为真系谷气…啖气吞唔落！」当事人自言，「乐观啲谂，其实系咪呢场黑雨救咗我？如果真系签咗约返咗工，而个HR处事作风系咁的话，我谂入去做都有排受」。

有网民留言指是人事部代表有错，「我觉得系HR要掩饰佢哋8:30之后无人所以先搞走你，由头到尾你都无见过阿head或其他同事」、「呢啲状况梗系话新人no show，唔通话自己做漏黑雨安排。」、系hr既问题，正常黑雨唔出席系理所当然（就算你无主动联络）

帖文转载自facebook专页「奴工处」