上中菜班先知煮一餐饭原来可以好平 蒋怡：廿多元材料加啲剩菜够6个人食

蒋怡（Coco）今日在书展为烹饪书举行签名会，女儿带同现金即场买书支持妈咪，更即场揽着妈妈又揽又锡，场面温馨！Coco透露最近在中华厨艺学院上初级中餐班，由零开始认识中菜，最拿手是炮制炒粉面饭，她说：「我唔系喺香港出世，好少去茶餐厅，之前因为上堂先第一次食濑粉，今次最大得着系发现原来煮一餐饭可以好平，廿多元材料加啲剩菜，已经可以炒一大碟濑粉，足够两个大人、两个小朋友及两个工人姐姐食，唔使餐餐大鱼大肉，简直系中华瑰宝呀！所以明年会谂吓出食谱，教人炒粉面饭呢种快靓正嘅美食！」此外，Coco透露已为一对子女报读一系列暑期兴趣班，包括游水、画画、足球等，行程排得密麻麻。