两代创作歌手JFung MC合唱英文歌获赞正到癫 网民戥迟咗起步冯允谦抱不平
2021-07-20 17:18 
33岁「创作歌手」金奖得主Jay Fung(冯允谦)跟较他年轻9年嘅「人气王」MC(张天赋)最近合唱英文歌《反对无效》嘅英文版本《How Many Times》带出惊喜，两人唔单止把声perfect match，仲畀网民大赞靓声，假音位转得好犀利，两个都唱得超级好听。MC x Jay Fung首歌畀网民形容系正到癫，最爱嘅世纪大合作，不停狂loop！所以歌曲上载咗只系短短5日经已有22万5千网民观看。
网民仲戥迟咗起步，沧海遗珠嘅Jay Fung不值，觉得香港乐坛欠他一个「胶袋」(交待)，指他唱歌咁好听，真系浪费人材；亦有指MC唱英文真系好正，系全能新人！
呢首歌有唔少网民留言：「两代香港R&B歌手合作真系好正！完全睇唔出差10年，Jay果然岁月不留痕！」、「我系一个麻甩佬，听完之后我怀孕了。」、「MC真系新人咩？ 有技巧有感情又够稳，同前辈唱都完全唔怯，前途无量，Jay Fung好有实力可以进军国际市场。」、「狂loop 真系唔知听咗how many times。」
關鍵字
最新回应