【姜B有火】唱《狂人日记》要过阿Jer嗰关姜涛收拉阔邀请劲开心

2021-07-27 21:30

「人气王」姜涛将于9月27日与Jer(柳应廷) 、林家谦及Tyson Yoshi举行以「风火雷电」为主题的《拉阔音乐会》，fans都十分期待。未有骚睇，睇住宣传片先啦!主办方商业电台今日于网上发布《浴火重生。姜涛》宣传片，姜涛分享首度参与拉阔音乐会的心情和亲自解构「火」的特性。

未曾踏上拉阔舞台的姜涛直言收到邀请时感到很开心：「我希望可以令大家都觉得我值得拥有今次的表演机会，同时期望喺编曲、排舞上，都有新嘅感觉俾大家。」谈及是次拉阔音乐会的阵容时，姜涛透露原本个人作品《Master Class》打算找Tyson Yoshi合作，可惜当时对方不在香港，他指：「今次好希望可以同Tyson Yoshi合作《Master Class》，佢嘅音乐畀咗好多灵感我，所以想睇吓用佢嘅演绎方式会有咩感觉。」被问到会否献唱队友柳应廷(Jer)的难度之作《狂人日记》，姜涛笑说：「哗，呢首歌好难啊！当初听到呢首歌都有私下试唱，我要睇吓过唔过到Jer嗰关先，因为佢对自己嘅歌要求好高！」

姜涛坦言由参与《全民造星》开始花姐一直叮嘱他心里要有「火」，他说：「做每一首歌前，我心中都有团『火』话畀自己听『呢首歌一定掂』，我觉得要有呢份信心首歌先会做得好。」作为年青一辈，有时也会受到不少质疑，他又说：「呢团『火』对我嚟讲，可以烧哂对自己嘅怀疑，同过去不足嘅自己。」相信充满「火」的姜涛不但可以翻滚乐坛的炽热气氛，更让拉阔的观众汗滴如流！