【Juicy叮】好友套料后见同份工获聘 求职者不甘：比失恋仲难受

有正在求职的网民在facebook专页「奴工处」指，好友打探消息后，应徵同一份工作，而且还获聘，网民对朋友过桥抽板心有不甘。

发文者说，最初不知朋友与发文者应徵同一份工作，发文者先行面试，面试完之后朋友就不断问见工的流程以及会问些甚麽问题，例如有几多个面试官之类。朋友又问发文者的预期薪酬多少，发文者以为对方是好朋友所以实话实説。

结果「之后佢（朋友）先话佢都见，人哋叫佢interview，咁佢interview表现实好过我，而家人哋请咗佢无请我」，发文者形容「感觉比失恋仲难受，被最好嘅Friend利用咗，依家呢件事上我可以做啲咩？send信去告发佢？」

有网民留言认为，「佢己经唔再系朋友！见工唔紧要，讲返声无问题！『工』啫！但玩到『出卖』就老X都接受唔到！今日为咗份工跣我，点知听日为咗其他嘢会唔会再嚟多次！...如果有共同朋友就扬出去，等其他人有所防范！」

不过也有人觉得，「份工未系你嘅，又何来系抢咗『你嘅嘢』呢？除非你已经得到咗offer，临埋门签约俾人落咗闸，然后佢又得到咗份工咁有趣；或者你知佢有能力喺公司度中伤你，用过实际恶意方式令你落选，否则都讲唔上系跣你，纯粹系你技不如人（唔一定单指你朋友）而落选。你应该学识对所有人都唔好筲箕口，乜都讲哂畀人知，就唔会再有俾人抢咗份工嘅错觉出现。告发亦都不适用于呢种情况（除非你想告解自己当初XX）。如果你嘅告发系指同呢位朋友反面，讲畀佢知你不满，我会建议你唔出声直接远离佢就好，佢都好大机会明系发生乜事。如果你系想断交得嚟起码有得发泄下，咁你即管去马啦。」

资料转载自facebook专页「奴工处」