【独家】首个红馆骚疫情延期换埋主题 方皓玟赞囝囝生性唔阻做准备
2021-07-29 19:35 
方皓玟（小明）将于8月26至29日举行一连4场《LOST n FOUND演唱会》，首个红馆骚因疫情由去年4月延至现在，就连主题「Spring of Hope」也改为「LOST n FOUND」，小明坦言因这两年香港气氛环境变化太大，身为3岁囝囝安田龙加妈咪的她感受特别深，她笑言近日忙搞骚但囝囝好生性冇投诉，仲主动转房瞓唔阻妈咪休息。撰文：杜淑霞 摄影：谭壹致 发型：Jimmy White@INGULGENCE 化妆：CircleCheung@ndnco.
小明指演唱会改期后，整个演唱会由主题到内容都有改变，「一改期你feel到社会气氛同埋大环境，大家嘅心态系有改变，我觉得唔可以再用番2020年4月个期嘅『Spring of Hope』去摆喺𠵱家，𠵱家大家心态再踏实咗，嗰时我哋觉得香港人需要希望嘅出口，就用咗狄更斯《双城记》入面『Spring of Hope』，𠵱家用『LOST n FOUND』有近似鼓励，『LOST n FOUND』系比喻香港人呢两年失去到变到人性升华，样嘢系好靓。」
想搵生活智慧
小明17年跟前男子团体R-ICE日本成员安田慎吾结婚，翌年诞下儿子，在疫情下她「LOST」也不少，作为妈妈感觉更强烈，「净系个BB要教佢戴口罩，佢未肯戴口罩我唔敢带佢出街，疫情赋予我哋好多生活上限制，不过好似我poster（演唱会）都有句讲，面对失败同挫折个失去，其实要拥抱，人唔经过一啲挫折失败，永远唔知道弱项同极限喺边，所以你要去感受LOST，然后搵到自己出口升华成更强大嘅人。（最想「FOUND」？）我希望有更大智慧去面对生活上嘅事，𠵱家做妈妈唔容易，做香港人都唔容易，每日好多东西需要消化，好需要生活智慧，你唔识得自己抚平伤口啲疮疤会好多。」
近期小明除筹备演唱会，又刚推出新歌《你好吗》，还即将推出专辑，但老公身在日本工作，独力照顾囝囝的她幸好未收到投诉，「佢好生性，直情生性到唔知系咪知道我有嘢做，本嚟佢同我瞓，佢走咗过去隔离房同我妈妈瞓，我每日做嘢又唔骚扰我，我阿妈话你生个仔好生性喎！识得就住你个schedule，我收得夜返去，揽吓佢同佢倾吓偈睇吓书，咁佢又好满足啦！」
最新回应