新歌加码拍跳舞版MV ANSONBEAN为著背心努力操肌

ANSONBEAN首支跳舞单曲《CRUSH（oh no!）》早前举行过MV首播会，公司更不惜工本「加码」为他拍摄dances version特别版。ANSONBEAN说：「因为首歌MV里面有太多情节，所以公司想拍一个dances version，等大家可以睇清楚成只舞。其实要跳成晚，唔系太辛苦，反而中间休息时间，我仲要攞条橡筋带出嚟练肌肉，无非想畀人感觉大只啲。」
一直努力操肌的ANSONBEAN，除了勤上健身房，更加入不同类型的运动，改善身体线条。「以前我一个星期做三日gym，依家会一星期操五六日，另外我又会去玩攀石、游水、打网球、滑浪，纯粹想做多啲运动，好玩得嚟又大只啲，想著背心嘅时候可以挺啲、横啲。」

当日MV在晚间拍摄，有工作人员「万岁」请食pizza，但ANSONBEAN却不为所动，整晚只不停饮水。「我唔食嘢唔系怕肥，系惊生暗疮影响皮肤，所以要戒甜戒煎炸食物，以前我都锺意食炸鸡，可以一次过食三件，又锺意食芝士蛋糕，但依家掂都唔敢掂。」
工作排山倒海，广告代言又一个接一个，问ANSONBEAN是否变相无时间追女？怕丑的他说：「系…系呀！冇时间追女仔呀，不过我啲MV全部都已经系女友视觉，所以我唔使追！」