Juicy叮｜同事食饭例称无现金 拖几日还钱有少无多网民呻搵笨

人情还人情，数目要分明？网民在「香港讨论区」发文，指公司有个男同事每次出外食饭都声称银包无钱，又表示无用Payme，可能相隔几日后才还饭钱。

发文者举例，「仲要可能$54蚊，就畀$50蚊你，个几蚊鸡有时真系唔好意思出声，但系佢咁样呃埋呃埋我谂都有几嚿水，可以点样对住呢啲同事？」

不少网民称，现在电子支付工具盛行，就算没有Payme一款都可以用其他支付工具代替。

有人提议，「同Cheap人就斗Cheap得啦。佢银包无钱，你咪搵次夹埋啲同事，个个银包都无钱，系够畀自己个份啫。咁佢咪要死死地气去襟机罗。再唔系对啲惯犯（而你确定你又玩得起的话），出Email追数，再唔小心CC咗畀全公司同事，到时佢Cheap极都唔敢问你再借」、「去快餐店食咪得罗，各自畀钱，俾咗钱先拎嘢食」、「一系就先收钱，最后你负责埋单。或者食完之后send email，send个list每个人几多钱。就咁简单。」

云云网民留言中，另一个简单的解决方法，就是「唔好同佢一齐食」。

帖文转载自「香港讨论区」