Juicy叮｜1句人身攻击激嬲女同事新入职港男补多句全公司劲尴尬

2021-08-14 11:42

职场上最忌诮错嘢！有网民指，有新入职的男同事竟直接批评女同事「样衰」，令对方嬲到想喊；但该名同事不但唔知衰，更再问其他同事「我讲得唔啱咩？」，瞬间令整个办公室的气氛跌入冰点。

该名网民在网上讨论区「连登」发文，指公司近日有初来报到的男同事，看上去「正正常常，普通戴眼镜斯文样」，没想到内里却是一个口不择言的人。楼主表示，该名男同事某日午饭时，竟直接对其中一名女同事说「其实你除咗口罩都几样衰！」一众同事听后立即口哑哑，「feel到个女同事已经嬲咗，同埋成间公司啲人都静晒」。

楼主认为，即使有这个想法亦不应说出口，「虽然个女仔真系唔靓，但正常都唔会当面同人哋咁讲啦」。不过男同事仍未知衰，立即「补刀」再问身边的其他同事「乜我讲得唔啱咩？」令同事都脸有难色，纷纷以「落去买嘢食」等理由逃离尴尬现场

事后，楼主指感到该名女同事「嬲完之后眼湿湿」，认为男同事未有考虑他人感受，觉得他的言论过份，「个女仔本身都冇咩自信，仲要咁样俾人话一话」。不过楼主就坦言不知如何处理事件，最后只能去厕所暂避。

帖文引起网民热议，有人认为慎言很重要，「又系呢啲以为自己好好笑嘅人，好烦，讲笑唔应该咁讲」、「个女仔无反击佢，已经好大方」、「佢系咪expect（期望）其他人会笑埋一份，博出位」。不过亦有网民认为该名男同事只是过于诚实，整体并无问题，「人哋讲真心话有乜问题？定系要好似你咁戴住副面具做人？」、「咁人哋系诚实咗啲啫，咁都有错咩？」

资料来源：「连登」