【独家】戏内糟质冯盈盈要斟茶呵返 关楚耀否认捞唔掂大排档「卖唱」

关楚耀(Kelvin)终于可以在TVB新剧《智能爱人》发挥所长，因为剧中饰演一位跟他真实性格一样，口衰衰嘅机械人公司老板，仲成日闹爆下属冯盈盈，Kelvin谂返起都猛话好过瘾：「佢叫Fung yy，我就闹到佢爽yy！」不过，他自爆镜头以外会帮Fung yy斟茶、拨扇同印汗，绝对系暖男同事。采访：方骞平 摄影：梁志明 服装：PortsV

关楚耀唔怕同「绯闻女王」冯盈盈接触闹出绯闻，他解释呢个系演员同演员之间嘅交流，Kelvin首次同盈盈合作赞不绝口：「佢唔止主持做得好，演技都睇住佢有进步，又有观众缘，个人又聪明，真系犀利㗎！咁都几吸引嘅，不过唔啱我，我个人迟钝啲唔够聪明。」睇嚟向女友Joann Law大派定心丸。

𠵱家做乜都系为开心
之前Kelvin女友喺IG贴出一张女Model着婚纱相，写道：「真系好难拣，条条都咁靓。」似有所暗示，Kelvin解释只系美丽的误会，其实同女友有共识，现阶段以工作为重，追返过往嘥咗嘅时间，女友都明白同支持，他认真说：「我都冇话要大红大紫，𠵱家有啱嘅音乐同角色就会试吓，用Enjoy心态去做，演艺圈以外都会做啲自家品牌嘢，仲会冲出去啲唔熟悉嘅地方做推广搵商机，唔会再有偶包。」提到之前喺IG放出自己一段，喺海南岛大排档唱歌影片，被内地网民关注，留言问他系咪捞唔掂要去「卖唱」？Kelvin笑住解释：「其实嗰日系做完嘢去庆功，而当地流行畀钱点唱，因为好耐冇上舞台演出，一时兴起我畀钱『点』自己唱《海阔天空》，同场加演大合唱搞到气氛好High，𠵱家最紧要系活在当下。」