港姐真人骚｜梁凯晴被批太单调 陈圣瑜抢嘢讲失分

港姐真人骚《We Miss Hong Kong STAY-cation晋级赛》昨晚（18日）播出的一集，师姐莫可欣及麦美恩齐以导师身份向佳丽教授礼仪及口才。莫可欣先著佳丽自我介绍，大热梁凯晴未知是否因紧张「失手」，被狠批：「你讲嘢太单调，你似喺电视介绍自己，我感受唔到你，似念稿多啲，要多番啲高低音。」另一大热陈圣瑜则在考验口才环节失分，可能太想积极表现自己，不小心与队友王嘉慧互抢对白，被莫可欣点评：「好多人同一时间讲嘢，同埋有人抢嘢讲。」另一师姐李嘉慧则教导佳丽如何保持美态，并大赞佳丽：「个个都几可爱，有啲都几小朋友。」

在最后冲刺决赛前夕，8位与佳丽同甘共苦的师姐与佳丽进行真情对话，并先后以自身经历勉励师妹，当中朱晨丽就分享自己如何面对因不懂广东话带来的压力：「初头参选唔识讲广东话，连讲自己全名都口窒窒，每次面对传媒或面对佳丽都系唔出声，因为好怯。但唔紧要，大家会包容，当然大家亦都会笑（我），但（谂番）如果可以令到大家开心咁又一日，都几好吖。」张嘉儿则勉励师妹们谓：「决赛嗰日，突然媒体话我系黑马，唔好俾外界Label咗你系大热，或者冇人留意，然后影响自己嘅信心，其实所有人都有机会。」